പത്തനംതിട്ടയിൽ മതേതര സംഗമം സംഘടിപ്പിക്കും

പത്തനംതിട്ട: ഛത്തീസ്‌ഗഢിൽ കന്യാസ്ത്രീകളെ അറസ്റ്റ് ചെയ്ത് ജയിലിൽ അടച്ച സംഘപരിവാർ നിലപാടിനെതിരെ പത്തനംതിട്ട ഡി.സി.സി.യുടെ ആഭിമുഖ്യത്തിൽ പ്രതിഷേധ സംഗമം സംഘടിപ്പിക്കും. 2025 ജൂലൈ 31, ഇന്ന് വൈകുന്നേരം 4:00 മണിക്ക് പത്തനംതിട്ട അബാൻ ടവറിന് സമീപം വെച്ചാണ് “മതേതര സംഗമം” നടക്കുക. കൽതുറങ്കിലായവർക്ക് ഐക്യദാർഢ്യം പ്രഖ്യാപിച്ചുകൊണ്ടുള്ള ഈ പരിപാടിയിൽ രാഷ്ട്രീയ, സാമൂഹിക, സാംസ്കാരിക മേഖലകളിലെ പ്രമുഖർ പങ്കെടുക്കും.

ബ്ലോക്ക് കോൺഗ്രസ് കമ്മിറ്റിക്ക് വേണ്ടി ജനറൽ സെക്രട്ടറി ജിനു കളീയ്ക്കൽ എല്ലാ നേതാക്കൻമാരോടും, സഹപ്രവർത്തകരോടും, ജനപ്രതിനിധികളോടും, പോഷക സംഘടന നേതാക്കളോടും കൃത്യസമയത്ത് പരിപാടിയിൽ പങ്കെടുക്കണമെന്ന് അഭ്യർത്ഥിച്ചു. ഫാസിസ്റ്റ് ഭരണകൂടത്തിന്റെ ഇത്തരം നടപടികൾക്കെതിരെ ശക്തമായ പ്രതിഷേധം ഉയർത്തേണ്ടത് അത്യാവശ്യമാണെന്നും, മതസൗഹാർദ്ദം തകർക്കുന്ന ഇത്തരം പ്രവണതകളെ ഒറ്റക്കെട്ടായി ചെറുത്ത് തോൽപ്പിക്കണമെന്നും സംഘാടകർ അറിയിച്ചു.