ജിദ്ദ: ഒഐസിസി പത്തനംതിട്ട ജില്ലാ കമ്മറ്റിയുടെ പ്രസിദ്ധീകരണമായ “മുഖപത്രം ഓൺലൈൻ” കെപിസിസി സെക്രട്ടറി ബി ആർ എം ഷഫീർ ഉദ്ഘാടനം ചെയ്തു. ഒഐസിസി വെസ്റ്റേൺ റീജിയൺ കമ്മറ്റിയുടെ ഹെൽപ്പ് ഡെസ്‌കിൻ്റെ പതിനൊന്നാം വാർഷികത്തിൽ വെച്ചാണ് ഉദ്ഘാടനം നടന്നത്.
“ധർമോ രക്ഷതി രക്ഷിത” എന്ന അടിക്കുറിപ്പ് മാധ്യമ പ്രവർത്തകർ എല്ലാം മനസ്സിലാക്കേണ്ടതാണ് എന്നും. മാധ്യമ പ്രവർത്തനം എന്നും ധർമ്മത്തിന് വേണ്ടി ആകണം എന്നും ശ്രീ ബി ആർ എം ഷഫീർ ഉദ്ഘാടന വേളയിൽ പറഞ്ഞു. കോൺഗ്രസ് പ്രസ്ഥാനത്തിനും ഒഐസിസി യ്ക്കും പൊതുസമൂഹത്തിൽ ഇടപെടാനും വാർത്തകളെ സത്യസന്ധമായി അവരിലേക്ക് എത്തിക്കാനും വേണ്ടി ഒഐസിസി പത്തനംതിട്ട ജില്ലാ കമ്മറ്റി എടുക്കുന്ന ഈ പുതിയ ഉദ്യമത്തിന് അദ്ദേഹം ഭാവുകങ്ങൾ നേർന്നു.
വെസ്റ്റേൺ റീജിയൺ കമ്മറ്റി പ്രസിഡൻ്റ് ഹക്കീം പാറക്കൽ, ഒഐസിസി ദേശീയ സെക്രട്ടറി അനിൽകുമാർ പത്തനംതിട്ട, വൈസ് പ്രസിഡൻ്റ് സഹീർ മാഞ്ഞാലി, ജനറൽ സെക്രട്ടറിമാരായ അസ്ഹാബ് വർക്കല, മനോജ് മാത്യു അടൂർ, ട്രഷറർ ഷരീഫ് അറക്കൽ, ഹെൽപ്പ് ഡെസ്ക് കൺവീനർ അലി തേക്ക്തോട്, പത്തനംതിട്ട ജില്ലാ പ്രസിഡൻ്റ് അയൂബ് ഖാൻ പന്തളം, വൈസ് പ്രസിഡൻ്റ് എബി ചെറിയാൻ, സെക്രട്ടറിമാരായ ജോർജ് വർഗീസ് , സുജു തേവരുപറമ്പിൽ, ട്രഷറർ ഷറഫ് പത്തനംതിട്ട, വർഗീസ് ഡാനിയേൽ, സാബു ഇടിക്കുള എന്നിവർ പങ്കെടുത്തു.നിരവധി കലാകാരന്മാരും , സാമൂഹിക സാംസ്കാരിക നായകന്മാരും സന്നിഹിതരായിരുന്നു
